بسم الله الرحمن الرحيم
انا زى كتير من الناس وتحديدا الشباب عايز يعبر عن اللى جواه واتمنى انى احقق ده عشان بجد انا خلاص مخى قرب يفك ....انا بالمختصر المفيد انسانه مش عايزة من الدنيا غير الستر من عند ربنا والنجاح فى حياتى سواء بقى حياتى المهنيه لو اشتغلت وده بعيد شعرى ههههه "المفروض بعيد عن شنبى " بس مراعاة لانى بنت فمش عندى شنب وحياتى كزوجه بعد كده وليها اولاد والكلام ده وده برده حاسه انه بعيد عنى لانى اختيارتى كلها طلعت اوت"out" ,ومش عارفة بصراحه اعمل ايه , انا اتخطبت مرتين وكل مرة بطلع منها بعقدة اكبر , يمكن متكونش عقده اكتر منها خبرة فى التعامل بعد كده مع اى حد تانى انا نفسى فى حاجة واحده بس من الصفات اللى اتمناه فى شريك حياتى وتكون موجوده بصدق وانا ياجماعة والله مش متطلبه ولا متكلفة هو حاجة صعبة انى الاقى شخص محترم ومهذب فى طريقة تعامله حتى لو مع مراته ويعاملها على اساس انها مخ بتفكر مش مجرد انسانه عايز يكسرها عشان يسيطر عليها ,او انها مجرد وسيله لانجاب الاولاد واهى جوازة والسلام لا بجد انا حصل معايا فى المرتيين كده واحد عايز يتجوزنى وخلاص ومش مهم عنده انى اخلص تعليمى العالى وواحد عايز يكسرنى لانى طبقا ليه انا ضد السيطرة بجد انا مش فاهمة الرجاله عايزة ايه؟ ؟؟؟؟؟!!!! وعلى فكرة انا مش هزعل من اى تعليقات جتلى على البلوج ده لانى بحب النقد جدا واحب اراء الناس وانا زى ماقولت احب اعرف نفسى عن طريق الناس
هناك 3 تعليقات:
يا امل خليكي متأكده ان اللي سابك هو الخسران بجد...
امل انتى محتاجة تفهمى نفسك الاول عشان تقدرى تفهمى الاشخاص ممن حولك نصيحتى ابحثى عن نفسك وحاولى تفهميها كويس وتعرفى هى عايزة ايه ومين الشخص اللى يقدرها ويحبها ويستطيع التعامل معها بالشكل الذى ترغبيه
نصيحتى افهمى نفسك كويس وبجد اعطى نفسك فرصة لكى تفهميها فمازال العمر امامك لتجدى الشخص الذى يستطيع ان يخطف قلبك المهم انه يكون يستاهلك لانك بجد انسانة ممتازة جدا واللى هيرتبط بيكى اكيد والدته راضية عنه وداعية له
تعليق سريع....
...
دعيكي مثلما انتِ
فليس علَّ ..
بل سوف يزفُّ القلبُ عصفوراً
جديد القلب
فلايَجرح ولايَذبح
نقياً مثلما أنتِ
طيباًمثلما انتِ
وياخذك من عالمك الى عالمكِ
ويملأهُ من ورودك فرحاً
ويجوب ليلك الاقمار
وتضحك لك الأقدار
ويصرخ عندما تبتسمين
ليس حلماً ماترين
بل إنها الحقيقة ...
وهذا هو يزيل عرق جبينك
بمسحةٍ..طيبةٍ ..وادعةٍ رقيقة
........................
ربنا يسعدك يا امل
إرسال تعليق