امبارح كان عمرى عشرين

اغنيه جميلة اوى لمحمد منير لما تسمعها بجد تحس انك فات عليك سنين لما عديت العشرين رغم انهم ممكن يكونو سنه او سنتين او حتى شهور مش مهم بس تقدر تقولها امبارح كان عمرى عشرين ....طيب خلينى اسأل سؤال ياترى عملت ايه فى العشرين سنه اللى فاتو مكن حياتك دول وده نفس السؤال اللى بسألو لنفسى كل يوم بعد لما عديت العشرين .......هل صليت طول السنين دى لربنا كويس عشان لو قبلته فى اى لحظه دلوقتى اكون واقفه ادامه مش خجلانه منه ولا اتميت صيامى فيه كويس ولا حتى مغتبتش حد فيها او مأذيتش حد سواء بقصد او من غير قصد ده السؤال ياترى السنين اللى جايه هعرف اخد بالى منها كويس مش زى العشرين اللى فاتو ......انا ساعات اقول انفسى "انا اتخدت فى دوكه " عشان الدراسه والكورسات والذى منه مكنش فى دماغى غيرهم واكيد انتم كمان كانت الدراسه واخده كل حياتكم اللى فاتت وفقتم لما خلصتم زى حالاتى !!!!!!!!!!!!! هههههههههههههه ماعلينا المهم انى بحاول على قد الامكان انى اطيع ربنا واعمل اللى عليا وياريت يقدرنى واعمل حاجة السنين اللى جايه ان شاء الله حتى اقعد فى البيت مشتغلش بس يكون ليا وظيفة مفيده اخدم بيها اسرتى ومجتمعى ودينى ونفسى قبل كل ده تعالو نبص تانى لنفسينا ونقرر هنعمل ايه فى الايام اللى جايه من حياتنا .......................خلص الكلام حلو ولا مو حلو ...!!!

رساله اليك ابى العزيز

مشتاقة لحضنك يابويا
يابويا وعمى وأخويا
ياصديق الطفوله.....أنا الطفوله
ياأبو الرجوله
==========

مشتاقة لعينيك
مشتاقة لنظرة منك
ولو حتى غصب عنك
مشتاقة لمسكة ايديك
مشتاقة لبسمتك لصرختك وعتابك ليا
أو حتى عقابك ليا
رغم انى بصعب عليا
=============
مشتاقة لحضنك يابويا

مشتاقة لهزارك التقيل
وامثالك اللى ملهاش مثيل
وطيبه قلبك الكبير
وعطفك على الكبير والصغير
وبحبك وعمرى ماهتغير
وافضل فكراك ولا عمرى انساك
ياريتنى كنت اموت فداك
================
مشتاقة لحضنك يابويا

مشتاقة للحظه يعود فيها الزمن بينا
ونتجمع إحنا والعيله وتعود ليالينا
ليالى الفرح والصحبة الحلوة
يارتنى اعرف كنت االف لك ميت غنوة
توصفلك حنينى يابويا
===============
مشتاقة لحضنك يابويا

مشتاقة ليك لما يجيلى عريس
ويطلب منك ايدى
وتعرف اصله كان ايه قليوبى ولا منوفى ولا صعيدى
اكيد هتعرف اذا كان راجل على حق
واكيد فخورة بيك ........فى قولة اه او لأ
=====================
مشتاقة لحضنك يابويا
يابويا وعمى واخويا
ياصديق الطفوله .....انا الطفوله
ياأبو الرجوله
واعرف انى مهما رحت وجيت
لغيرك انت ماهحن ولا حنيت
ولا عمرى بكيت
ولا هشتاق الا ليك
رحمه الله عليك
===============

انا بهدى القصيدة دى لكل واحد وواحدة بيشتاقوا لوالدهم ولكل واحد وواحدة مش مقدرين النعمة اللى فى ايديهم الحقوا ارضيهم وبوسوا ايديهم وتحياتى وسلاماتى ليكم وليهم ==========================

=========================

انا والخطوبه 2

من نوادرى وانا مخطوبه انى كنت كل لما يقولى بحبك اقوله طب وبعدين؟ بقلك بحبك وانا اقوله طب وبعدين ؟ يقولى فى حد يقول لخطيبه وبعدين ده بدل لما تقولى انا كمان او تعبرى بحاجة تانيه ..... وانا اقعد بينى وبين نفسى افكر هو انا بارده ولا انا مش بحس ولا غير قادرة على الحب .... بس فكرت ولقيت نفسى سليمة ميه فى الميه ومش عيب فيا ولا حاجة بس مجرد انى مش حاسة ان الشخص اللى بيقولى بحبك ده انه بيقولها بصدق لانى اقدر اقول عن ثقة ان الرجل بيحب بعينيه مش بقلبه الاول عشان كده حبهم ده نسيوه بسهوله لكن لما تيجى المرأة تحب بتحب بكل جوارحها عشان كده لما يحصل فسخ او طلاق بتنجرح اوى ويمكن يفضل مده جرحها بينزف .....بس بجد انا نفسى احب واتحب واعرف الشعور ده اللى كل الشعرا والمطربين بيتكلموا عنه .....اريدك ايها الحب فالماذا انت هكذا بعيد .... شريد ......عشان كده انا بهديك القصيده دى .....
مهلا......انتظر
لماذا تهرب منى وتعتذر؟
اريدك معى ....فى قلبى ...فى خاطرى
لا ان تبعد ونفترق!!! لانك منار الطريق الذى اسيره
وجدران السجن الذى قلبى سجينه
ووعودك التى وعدتها واخلفتها
وعيونك التى تراسلنى بنظراتها ثم ابعدتها
مهلا ايها الحب ......انتظر
لا تهرب منى وتعتذر
اننى اريك جانبى اتحمينى
وتضمنى وتقوينى
انك انت درعى وسيفى
وكل اسلحتى.................................................................

النت مشاكل مشاكل

اكيد كل اللى هيخش ويقرا الرسالة دى بقاله مده على النت وعرف كل خفاياه واللى بيحصل فيه وانا هنا ودلوقتى عايزة اتكلم عن التجربه دى لانى قربت ابعد شويه عنه واخلص نفسى من الادمان ده واكيد انت عارفين برده حكايه الادمان ده . انا وبلا فخر بقالى تسع شهور وكنت كل يوم اقعد عليه اكتر من عشر ساعات ..... افترى صح؟ انا عارفة بس فى المده دى قابلت ناس كتير واتعرفت عليهم ومن كل الجنسيات والاعمار والنوع وعلى حكايه النوع دى كان طبعا اكتر صحابى من الشباب وبصراحة ومن غير لف ولا دوران انا كنت بحب اتكلم معاهم عشان اعرف طريقة تفكيرهم ازاى وطريقة كلامهم عاملة ايه واسلوبهم طبعا الخرافى فى شد انتباه البنت هههههههههههه وده يعمل حوار عليك وده يشتغلك واللى عايز يوصل لحاجة مش ولابود ...... او يعمل حاجة مش ولابود.... عن طريق طبعا حاجة اسمها كام والنقطة دى اخص بيها بس عن تجربه الاجانب .اما العرب او المصريين مش بحبز الكام وسط الكلام عشان كده مقدرش اتكلم فى النقطة دى بالنسبالهم . انا دلوقتى نهيت كل شات بعمله بسبب حسن نيتى فى الكلام مع الناس بيتفهم غلط وبيتاخد بمعنى تانى وانا هتعب نفسى ليه البنات اضمن واريح بكتير وكمان بنات اعرفهم معرفة شخصيه مش مجرد بروفايل وخلاص مايمكن يكون اصلا ولد وعامل بنت وده اكيد بس اهو نعمل ايه زى مافى الوحش فيه الحلو وياريت اكون وصلت ليكو ان التعامل مع النت هيكون افضل بكتير لو تم بحرص . استفدت كتير وياريت اكون فدت حد بأى حاجة اكون كتبتها او عملتها مش شرط فى البلوج ده بس فى النت عموما واستودعكم الله الذى لا تضيع ودائعه....

عام النمر

Year Of The Tiger

1914, 1926, 1938, 1950, 1962, 1974, 1986, 1998

Tiger people are sensitive, given to deep thinking, capable of great sympathy. They can be extremely short-tempered, however. Other people have great respect for them, but sometimes tiger people come into conflict with older people or those in authority. sometimes Tiger people cannot make up their minds, which can result in a poor, hasty decision or a sound decision arrived at too late. They are suspicious of others, but they are courageous and powerful. Tigers are most compatible with Horses, Dragons, and Dogs

القافيه تحكم

تحدانى حمز فى كتابه الشعر بالالف والهمز
وتحدانى فى كتابه قصيدة مدح وقصيدة لمز
ايّن كانت القصيده فانا لها مسترسله ولسطورها ناثرة
ايا حمز تظن الشعر فقط سجع وقافيه
والوان كافة من التنوين والتكنيه
بل هو مشاعر واحاسيس من القلب داميه
كإحساسى الان بالعجز فى ايجاد معانيا
للتعبير عن مكنونات صدرى الباكيه
ولكن هيهات هيهات انا لها انا لها
هكذا عقلى قد قالها
انه من السهل كتابه قصيده ونثرها
فظل يبحث ويبحث عن مقاماتها
فى غياهب الفكر وظلال الذاكرة
فقابلته حواجز وعواقب هائلة
فأنكرت عليه هجرانه للقراءة المثمرة
فى بحور الشعر وماقيل فى ايام غابرة
وهاج عقلى وثارت له ثائرة
ايعقل انى عاجز عن القيام بالمهمة المطلوبه
لم اظن ان الامر بهذة الصعوبه
حان الوقت لاستعين بيد ماهرة
بالافكار وعلى الخطط ماكرة
فهلم ياقلب فى الباكرة نسطر

ولو قليل من الاسطر المسترسله
فكانت الاسطر التاليه
نتيجة خمس لياليا:من انت؟
اين انت ؟
أأنت نبض السنين ؟......أم غربة وحنين؟
أأنت سطر فى كتاب؟.....أم لمحة عذاب؟
أأنت جرىء ام خجول ؟
أأتطرق فرحا بيا الطبول ؟
لا .....لا تجاوبنى .....فمن الممكن ان يقتل لديا الفضول
فدعنى اتسأل لوحدى ....واركض مع الخيول
واشعر نبض قلبى ..والسهول
اننى والكون واحد فى الشعور

فاذا نظرت يوما لزلزال او بركان او سيول
فاعرف انى قد تحركت لدى مشاعر تثور!

انا والخطوبه

بسم الله الرحمن الرحيم

انا زى كتير من الناس وتحديدا الشباب عايز يعبر عن اللى جواه واتمنى انى احقق ده عشان بجد انا خلاص مخى قرب يفك ....انا بالمختصر المفيد انسانه مش عايزة من الدنيا غير الستر من عند ربنا والنجاح فى حياتى سواء بقى حياتى المهنيه لو اشتغلت وده بعيد شعرى ههههه "المفروض بعيد عن شنبى " بس مراعاة لانى بنت فمش عندى شنب وحياتى كزوجه بعد كده وليها اولاد والكلام ده وده برده حاسه انه بعيد عنى لانى اختيارتى كلها طلعت اوت"out" ,ومش عارفة بصراحه اعمل ايه , انا اتخطبت مرتين وكل مرة بطلع منها بعقدة اكبر , يمكن متكونش عقده اكتر منها خبرة فى التعامل بعد كده مع اى حد تانى انا نفسى فى حاجة واحده بس من الصفات اللى اتمناه فى شريك حياتى وتكون موجوده بصدق وانا ياجماعة والله مش متطلبه ولا متكلفة هو حاجة صعبة انى الاقى شخص محترم ومهذب فى طريقة تعامله حتى لو مع مراته ويعاملها على اساس انها مخ بتفكر مش مجرد انسانه عايز يكسرها عشان يسيطر عليها ,او انها مجرد وسيله لانجاب الاولاد واهى جوازة والسلام لا بجد انا حصل معايا فى المرتيين كده واحد عايز يتجوزنى وخلاص ومش مهم عنده انى اخلص تعليمى العالى وواحد عايز يكسرنى لانى طبقا ليه انا ضد السيطرة بجد انا مش فاهمة الرجاله عايزة ايه؟ ؟؟؟؟؟!!!! وعلى فكرة انا مش هزعل من اى تعليقات جتلى على البلوج ده لانى بحب النقد جدا واحب اراء الناس وانا زى ماقولت احب اعرف نفسى عن طريق الناس